نوڤيلا لست أمي بقلمي أمل مصطفي البارت الثالث والرابع

الذي تركه لأول مره منذ الصباح 
وأختفائها هي أيضا تاخرت عليه ولم تأتي ذهب ليري ماذا تفعل وجدها منسجمه مع الأغنيه التي يراها ملوثه للأذن
مثل تلوث القاهره من عوادم السيارات
لكنه إبتسم داخله علي تصرفاتها التي نزعت من حياته الملل والوحده نزع 
ولم يمر غير ساعات قليله علي تواجدها معه فكيف تكون حياته إذا بقيت للأبد طرد الفكره الغريبه التي إحتلت تفكيره منذ أن رأها
وإبتعد مره أخري أو هرب إلي غرفته وأخرج كتاب ليكمل قرأته حتي مرت الساعات وسمع طرق مصاحب لصوتها تدعوه لتناول الغداء
أغلق ما بيده وتوجه للخارج بوجه مشرق جلس أمام الطعام الشهي يبدوا أنها تجيد فعل كل شيء الطعام والتنظيف وحتي التهوين عنه حزنه و و حدته من يستطيع 
ترك ملاك مثلها
. لاما نفسه لطريقة تفكيره وتحدث بعتاب مالك يا عامر أهدي كده أنت خلاص بعيد كل البعد عن الحياه دي أرضي بوضعك و وحدتك زي ما رضيت بيها كل السنين اللي فاتت غريبه إحساسك ناحيتها كأن حد عزيز عليك وكنت في إنتظاره كل المده دي
فاق علي سؤالها مش بتاكل ليه الأكل مش عاجبك
بالعكس نفسك جميل جدا في الأكل بس فين أكبر قطعة لحمه شايف قدامك قطعه صغيره
ضحكة بنعومه أنا أصلا مش بحب اللحمه
نظر لها بزهول طب ليه كانت الجائزه بتاعت السباق
عشان أغريك تشترك معايا في المسابقه
رفع إحدي حاجبيه يعني اللحمه هي اللي تغريني ممكن كنت أرفض عادي أنا وافقت بس لأن الفكره عجبتني
تحدثه بمرح طب عيني في عينك كده يعني أنت مش كنت ھتموت علي اللحمه
ضحك بقوة ليه هو إحنا في مجاعه ولا شايفه قدامك واحد مفجوع
قامت بتحريك حاجبها بطريقه كوميديه قول الحقيقه وأنت بتبص في عنيه
أيه حكاية بص في عنيه بتفكري تنيميني تنويم مغناطيسي و تخليني أقول حاجه ما حصلتش
هزت كتفها لا بس عشان أعرف أنت بتفكر في أيه
نظر لها في عيونها وهي أيضا وسرح كلاهما في جمال عيون الأخر حاول لم شتات نفسه فابتعد بعيونه ليسترد نفسه ويخلص من تأثيرها و هو يسألها هااا عرفتي أنا بفكر في أيه
ردت بثقه طبعا كنت بتتمني تكسب عشان تاخد قطعة اللحمه
ضحك عامر بقوه وهو يتركها لا والله أنتي مالكيش حل أبدا ربنا يكون في عون اللي ياخدك محتاج عقل صناعي عشان يقدر يعمر معاكي
وصله صوتها الواثق ليه يعني ده يا بخته يا هناه اللي ياخد وحده فرفوشه زيي
قامت بجمع الأطباق وتنظيفها وصنعت كوبان من الشاي و طرقت علي بابه مره أخري إبتسم من داخله لقد إستمتع
كثيرا بوجودها حوله ولكنه أظهر عكس ذالك عندما فتح الباب وهو يلومها حتي لا تري فرحته الداخليه بكل شيء تفعله معه
تحدث بضيق وبعدين بقا مش عارف أخلص الكتاب اللي في إيدي
نظرة له بضيق تصدق أنا غلطانه اللي قولت أعملك كوباية 
شاي تعدل دماغك بعد الأكل عشان تعرف تركز في كتابك ده يلا أشربهم الأثنين
أوقفها صوته طيب خلاص هاتيها
نظرة له بسخريه لا ده بقرنفل وأنت بتحبه بنعناع معلش المره الجايه أعمل حسابك
نظر لها بتعجب وأراد فهم تصرفاتها طيب لما أنتي عارفه كده ليه عملتي قرنفل
لتحدثه بتلقائيه عشان أنا بحبه كده وكنت عايزه أقنعك بيه و نشربه مع بعض
ضحك عامر وهو يسألها هو أنتي يا بنتي أحتليتي البيت وأنا مجبر أكل و أشرب اللي أنتي بتحبيه وأنا أيه هوا قدامك
لفت نظرها ما بيده فسألته بفضول كتاب أيه ده 
سيجموند فرويد
مين ده قول أسمه تاني كده معلش 
سيجموند فرويد
بتاع أيه سي جموند ده
ضحك عامر بقوه الله يرحمك يا سيجموند بقيت جموند
رمقته بضيق من إحساس السخريه في ضحكه
اعتذر أسف خلاص يا ستي ده
بسيجموند فرويد طبيب نمساوي من أصل يهودي اختص بدراسة الطب العصبي ومفكر حر يعتبر مؤسس
علم التحليل النفسي. هو طبيب الأعصاب النمساوي الذي أسس مدرسة التحليل النفسي وعلم النفس الحديث.
نظره له بأعين متسعه دون رد
بعد مرور يومان تقف في المطبخ لصنع كيك الشيكولا التي تعشقها عندما سمعت حركه غريبه في الخارج تحركت بحذر وجدت شخص غريب يتسحب للدخول شعرت بالذعر 
وحاولت لفت نظر ريكس ولكنها 
رأيكم في الاحداث