نوڤيلا لست أمي بقلمي أمل مصطفي البارت الثالث والرابع

وهو الذي عاش سنوات في هدوء
إعتدل و هو يتحدث پحده أيه في أيه في حد يخبط على حد كده 
رفعت عينها بملل أدخل يعني ولا أعمل أيه 
أدخلي في أيه أيه الدوشه اللي أنت عملاها من الصبح كده
فتحت الباب ثم دخلت صبح أيه حضرتك أنا صاحيه من الساعه 600 الصبح
روقت البيت وعملت فطار ورشه الجنينه وقاعده أستنى سيادتك تصحى حتى الكلب ما صحاش تحركت إلى الشباك وفتحت الستائر.
عامر پصدمه في أيه يا بنتي ما لك أيه اللي أنت بتعمليه ده سيبي الستاره
ياسمين لا باقول لك أيه اللي أوله شرط آخره نور أنا ما أعرفش أقعد كل ده لوحدي أنا متعوده اصحى الصبح بدري أروح شغلي
أكلم ناس وأشوف ناس وما ينفعش تنام لحد كده الساعه 1100 كفايه.
الصحيان بدري صحه قامت بفتح الستائر وباب البلكونه 
أغمض عيونه من قوة الضوء وأستغفر ربه في سره أيه البلوه اللي باليت نفسي بيها دي يارب
يلا يا ريكس قوم أتحرك بلاش كسل يلا عشان أحميك و أكلك تحرك أمامها بصمت كأنها هي من ربته وليس أول لقاء بينهم كان أمس سار جوارها كأنه في إنتظارها
قام أخذ شاور و إرتدى ملابسه وجلس على كرسيه خرج من الغرفه لم يجدهم في الصاله
نادى بصوت عالي ياسمين يا ياسمين
شعرت بشيء غريب عندما سمعت صوته ينادي إسمها تحركت بسرعه إلى الداخل نعم
عيونه علي الطاوله الفارغه وهو يسألها أومال فين الفطار اللي مزهقاني بيه من الصبح
شاورت علي باب الڤيلا بره في الجنينه تعال المنظر والجو جميل قوي النهارده من إمبارح تغيير سبحان الخالق.
مدت يدها تدفع الكرسي ولكنه رفض
تحدث بضيق أنا بعرف أتحرك لوحدي
إبتعدت وهي تعتذر
خرج إلى الحديقه وجد الجو مشمس وجميل 
جلس أمام الطعام كان شهي ولذيذ.
قالت وهي تجلس أنا ماكنتش عارفه أنت بتحب إيه عملت أكتر من صنف.
تناول بعض للقيمات بإستحسان تسلم إيدك بس إحنا أتفقنا أن أنت مرافق مش خدامه.
ما فيش مشكله أنا كده كده يعتبر بعمل الأكل لنفسي وبعدين أنا مش بحب الأكل البايت
تأملت المكان حولها بإعجاب في حد يبقي عنده مكان واسع زي ده وينام لحد الظهر
تحدث وهو يمضغ طعامه أعمل أيه بالمكان الواسع ولا أصحي بدري ليه وأنا بالظروف دي 
مالها ظروفك في ناس ظروفها أسواء منك
بتجتهد و بتدرب و بتأخد بطولات وجوائز حول العالم في مجالات مختلفه
عندك ستيفين هوكينج عالم فيزياء تحدي الإعاقه وسابق الزمن .
وعمر حجازي قاهر الصعاب قدر ينجح في السباحه 
من مصر للأردن برجل وحده عن طريق خليج العقبه .
عمرو السوهاجي كان ملاكم مميز بس ما حققش أي إنجاز غير بعد إصابته كان قاعد علي كرسي بعد تعرضه لحاډث سير سبب ليه شلل رباعي وغيرهم
كتير ليه تعجز نفسك بالحپسه والقاعده دي عيش حياتك كأن مافيش أي حاجه إتغيرت 
نظر لها بتعجب هو أنتي عارفه أخبار كل اللي عندهم إعاقه
ابتسمت بإحراج صراحه مش عندي روح لسماع الاخبار بس المانشيت ده وقع في إيدي صدفه علي المت من أسبوع
وقفت وهي تغمز أيه رأيك نتسابق أنا وأنت وال يكسب ياخد أكبر حتة لحمه علي الغداء
تحدث بإبتسامه فقد طيب كلامها خاطره كثيرا موافق .
وقفت بسعاده وتوجهوا ثلاثتهم إلي نقطة البدايه هو علي الممر الممهد وهي وركس علي الجانبان
ريدي ستيدي جو
أنطلق الجميع ووصلت هي إلي الخط 
وقفت وهي ترقص رقصة الفوز كانت تقفز 
أنا كسبت أنا كسبت اللحمه من حقي لوحدي 
هاي هاي هاي
نظر لها بفرحه كبيره كأنه هو الفائز رغم بساطة ما فعلته لكنه أدخل البهجه لقلبه وروحه الحزينه منذ سنين .
ھجم عليها ريكس وهو يلعقها بلسانه ولكنها لم تستطع صده وقعت علي ظهرها وهو فوقها
تحدثه ياسمين بضيق وألم ريكس بلاش هزار البوابين ده أنا مش قدك .
ضحك وهو يتحرك ليبتعد مش بقولك مجنونه !
رايح فين يا أخ ماتبعد كلبك ده من فوقي 
تحدث دون أن يلتفت لها مش بتقولي بيفهمك 
خليه يقوم
أبعدته من فوقها و نفضت الغبار عن ملابسها ودخلت هي و ريكس خلفه لكي تجهز طعام الغداء
قامت بتشغيل إحدي الأغاني الشعبيه تتمايل علي نغماتها وهي تقوم بطهو الطعام
و ريكس يقف جوارها كأنها هي صاحبته وما يحدث طبيعي بالنسبه له 
تململ من تأخر كلبه