حب مشروع بقلم الشيماء محمد
عصابه بټخطف البنات في سن 16 و سنه وبيبعوهم ويسفروهم بره يشغلوهم
عم سعيد وده يبرر اللي انت عملته
ايمن لا طبعا بس انا بقولك اللي حصل واتمني انك تقبل اعتذاري
يعني حتي لو طلعت براءه بس اتشبهت وانا عندي 6 بنات انت متخيل انت عملت ايه فيهم اسفك مش مقبول ودلوقتي بعد اذنك علشان الصلاه قربت
رجع بيته مهموم وامه شافته فحكالها اللي حصل
امه فاطمه يا حبيبي هو عنده حق معلش بس ده عنده بنات وانت بصراحه لطيت سمعتهم كلهم
حاول معاه لحد ما يسامحك معلش
تاني يوم كان جمعه وايمن راح يصلي في الجامع اللي عم سعيد بيصلي فيه
وحضر الخطبه وبعد الصلاه وقف قدام الكل واعتذر لعم سعيد واتأسفله وقال ان ده غلط مش هيتكرر
ايمن اعتذرتلك قدام الكل اهوه... كل حتتك عارفه انك برئ... سامحني بقي
عم سعيد انت ليه مصر مش انت اعتذرت قدام الكل وريحت ضميرك يفرق معاك ايه بقي اقبل اعتزارك ولا لأ ولا علشان انت عارف ان اللي انت عملته ما يكفيهوش الاعتذار صح لان الثوب الابيض لو اتبقع حبر ما بينضفش مهما تغسله... روح يا ابني روح
عم سعيد وانا قلتلك اني خصيمك يوم الدين
ايمن لا يا عم سعيد ارجوك
عم سعيد ما انا قبلك اترجيتك وقولتلك فرح بنتي والناس وعيلتي ولا اتهزيت
ايمن خلي انت قلبك كبير
عم سعيد قلبي كبير في كل حاجه الا الاعراض وانت خضت في عرضي وشرفي
عم سعيد ايه اللي ممكن تعمله يرجع عرض الواحد وشرفه ايه مفيش صح! شوف وراك ايه ما تعطلش نفسك
ايمن يا عم سعيد انا مستعد اعتذرلك تاني قدام الكل
عم سعيد هتروح قدام اهل عريس بنتي وتقولوهم الحقيقه وترجع الفرح من تاني
ايمن اه اروحلهم واعملهم فرح تاني علي حسابي اديني العنوان
سابه ومشي وايمن فضل مستينه العصر والمغرب والعشا والفجر كمان. وكل مره يكلمه وعم سعيد رافض يسمعه وبعد صلاه الفجر
اخد تلات ليالي كل يوم بعد العشا وبعد الفجر يجيله ويكلمه ونفس الرد
عم سعيد هو انت ما وركش شغل ولا بيت ولا متجوز ولا اي حاجه
عم سعيد تعال بكره بعد صلاه العشا
ايمن هتسامحني
عم سعيد لا طبعا بس هحاول اصفي من ناحيتك واشوف ايه اللي ممكن يعوضني بس ما تحطش امل
ايمن ماشي وكله امل في بكره
عم سعيد روح بيته وبناته حواليه
عم سعيد حبيبه
حبيبه نعم يا بابا
عم سعيد تعالي يا حبيبتي اقعدي
حبيبه اتفضل يا بابا قول
ام سعيد ايه رايك في الظابط اللي اسمه ايمن ده
حبيبه اهو راح اهوه
عم سعيد ايوه يعني ايه رأيك فيه حلو وحش
حبيبه يعني ايه حلو ووحش دي عادي يعني
عم سعيد شكله ايه
حبيبه وانا من امتي بدقق في شكل الرجاله
عم سعيد بس ده جه كذا مره وبعدين مختلف وضعه فأكيد شوفتيه
حبيبه طيب بتسألني انا ليه ما تسأل ساميه ولا ساره ولا سميه
عم سعيد لا انا بسألك انتي
حبيبه اشمعني انا
عم سعيد علشان عايز اجوزهولك انتي
حبيبه تنحت او ما استوعبتش ابوها قال ايه
حبيبه انت بتقول ايه تجوزهولي تجوزني اللي فضحنا وقبض عليك وكان السبب في فركشه جوازه سميه وبعدين هتروح تقوله ايه تعال اتجوز بنتي وانا اسامحك هيقولك مع السلامه انت وبنتك
عم سعيد اولا فركشه جوازه سميه ده كان مصلحه لان ربنا بين لنا انه مش راجل يعتمد عليه ايوه هيا هتزعل شويه بس بعدها هتفوق وتحمد ربنا
ثانيا لو هو اتجوز مننا هيبقي ده اكبر اعتذار واكبر دليل ان احنا ملناش علاقه باللي حصل
ثالثا اه هقوله تعال اتجوز بنتي
ساره اتدخلت وبعدين اول ما يشوفها هيوافق ويقول هو حد طايل جوازه ببلاش
عم سعيد هو انتو فاكريني هقول تعالي اتفرج وان عجبتك شيل
حبيبه امال هتعمل ايه
عم سعيد تقولي الاول رأيك ايه فيه
حبيبه يعني انا مشفتوش كويس بس اعتقد انه حلو يعني وبعدين افرض انه متجوز
عم سعيد لا هو مش متجوز... هتعرفوا بقي انا هقوله
