سند بقلم مني الفولي
بقى ينفع أعيش حياتي مبقيتش قادر أعيشها أنت السبب في أني ظلمت بنت أضغر من ولادي أنت السبب أني جيبت للدنيا طفل مش هالحق اربيه وهاسيبه لولادك اللي ورثوا منك الطمع والجشع.
شريفة حاقدة علشان أناني فكرت تجدد شبابك وماهتمتش بولادك ومنظرهم قدام نسايبهم.
صالح بمرارة وياترى مافكرتيش في منظرهم قدام نسايبهم وهما بيحجروا على أبوهم.
صالح بعزم وقوة مش هيحصل يا شريفة مش ناوي أعيد غلطي تاني
غلطت زمان لما سمعت كلامك وأتخليت عن مسئوليتي تجاه ولادي كان لازم أعرف أني مسئول أربيهم مش أصرف عليهم وبس حولتيني من بابا لبابا نويل اللي بيجي بهدايا كل سنة يفرحوا بالهدايا والفسح لكن ولائهم لكي أنت وبس بعد ما خرجتيني من حياتهم لحد ما أتعودوا علي بعدي وبقيت أنا غريب.
صالح متحديا مش هاكرر غلطي تاني وزي ما سيبت ولادي لكي زمان أسيب ابني للراجل اللي باع أمه مش هيحصل يا شريفة ولو بټهدديني بالڤضيحة فالڤضيحة مش هتكون لي وبس هتكون لولادك كمان ده غير أنك عارفة أن اللي نقلنا النقلة دي توكيل العربيات اللي أخدته من الشيخ قبل ما أرجع بسنتين ورغم أنه وقتها كان أكبر من امكانياتي لكن الشيخ أدهوني ثقة في بعد العمر اللي أشتغلته معه ولو ولادك معقلوش هتصل بالشيخ وأخليه يسحب التوكيل وأهو أديهم سبب للحجر علي.
فى مكتب سيف بالمصحة النفسية الخاصة
سليم بضيق كفاية بقى يا سيف أنت مبتزهقش
سليم معترضا مش هينفع يا سيف أنا الحمد لله مرتاح هنا ومفيش أي سبب يخليني أتعب نفسي على الفاضي رايح جاي.
سيف بعصبية مش علي الفاضي يا سليم لو أنت مش واخد بالك من حالة الأنطواء والوحدة اللي أنت فيها فأنا قلقان يا سليم أنت حتى صحابك اللي كنت بتتكلم معهم من وقت للتاني بعدت عندهم وتليفونك بطلت تشحنه اساسا ولولا أن أنا اللي موصي الممرضة تهتم بشحنه كان اتقفل من زمان.
سيف مصرا هتكلم صحابك وهيجوا يزوروك في بيتك الموقف المرة دي مختلفة الولد سبعتاشر سنة ابن الست اللي بتخدم الحاجة أبوه مېت وأمه متجوزة راجل صعب على طول يطرده والمرة دي حلف طلاق ما يرجع البيت يعني الولد محتاج مكان ينام فيه وحد يصرف عليه فلا هيسيبك ولا يتكبر عليك لما يعرف أنك لوحدك لأنه زيك ومش هيجيب حد البيت ولا يسيبك ويلف في الشوارع لأنه ما يعرفش حد أو حاجة هنا ويلا بقى أمضي ورق الخروج عشان منتأخرش عليه أكتر من كده.
بشقة صالح
سلمى مرتعدة أنا خاېفة يا صالح
صالح محاولا طمأنتها مټخافيش يا حبيبتي أنا مش هاسيبكم صحيح مش هنبقى متجوزين بس وضعنا مش هيختلف كتير عن دلوقتي.
سلمى قلقة طيب ما نفضل متجوزين وتحلف لهم أنك مش بتقرب لي.
ابتسم بمرارة لبراءتها وطفولتها رغم كونها أصبحت أم.
صالح مشفقا مټخافيش يا سلمى أنا شرطت عليهم أنك تفضلي بشقتك واحنا اساسا محدش يعرف اننا اتجوزنا عشان يعرفوا اننا اطلقنا وسعد بالذات مش هيعرف خالص أنك اتطلقتي وكل ما اقابله هاتصرف عادي ولو جات سيرتك هتكلم كأننا لسه متجوزين وأني مبسوط معكي كمان.
سلمى باكية وهي ترتعد لمجرد تخيل عودتها تحت سطوة ذلك الھمجي أنت متعرفوش أكيد هيعرف أنك طلقتني وهايخدني تاني ويتحكم في سليم زي ما كان بيتحكم في كنت فرحانة وأنا باسميه على حروف أسمي وهو خد حظي كمان ياريته ما خد أي حاجة مني لا اسم ولا نصيب.
صالح منفعلا وهو يرى عدم ثقتها بقدرته على حماية ابنه ابني مش زيك ولا حد يقدر يقرب له أنت كنتي يتيمة لكن أنا موجود واللي يفكر يأذيه هيكون أخر يوم في عمره أنا شرحت لك كل حاجة يا سلمى والأتفاق ده أكتر حاجة قدرت أوصل لها معهم صحيح انا حاولت أبين أني مش فارق معي موضوع الحجر
بس الموضوع مش سهل بمرارة وبعدين احنا أساسا شبه منفصلين من بعد جوازنا
