فتاة احلامي بقلم رحمه نبيل
و...
قاطعها سامر وهو بيقول ببسمة
_ ولا تاخدي بالك فيها ايه يعني انتي مراتي .
اتكسفت منه نسمة ولسه هترد عليه بجملتها المعتادة قام هو قاطعها وهو بيقلع الجزمة وطلع على السرير جنبها استغربت نسمة وقالت
_ أنت هتعمل ايه !
بص ليها وقال
_ هعمل ايه يعني هنام عشان تعبان وعندي شغل من الصبح بدري ..
فتحت عيونها پصدمة وقالت
_ اولا ده سرير ثانيا انا جوزك ومكاني جنبك ثالثا مامي لاحسن احلف ما انتي نايمة
هزت راسها بسرعة ونامت على طول بدون كلمة وهي بتشد الغطا عليها فابتسم هو عليها ونام على جنبه وهو بيبص ليها ومش مصدق إن ملاكه اللي كان دايما يحلم بيه قدام عيونه دلوقتي نايم ...
ابتسم بسمة واسعة وفضل يتأمل فيها طول الليل بدون ملل لغاية ما غلبه النوم ...
وتمر الايام وكان سامر ملازم دائما لنسمة في البيت وبيخلص شغله من المكتب اللي هناك ومش بيحب ابدا يبعد عنها وبيجبرها تنام جنبه على طول .
ونسمة طول الوقت بتحاول تبعد تفكيرها عنه وتكرهه وتفكر نفسها أنه مچرم...
وفي يوم بليل بص ليها سامر بحب وهي نائمة وابتسم ونام ..
صحيت تاني يوم وبصت جنبها لقت السرير فاضي ..قامت من مكانها وهي بتقول باستغراب
قامت من السرير وبصت في المكان وهي بتحاول تعرف اي حاجة شوية وسمعت صوت الباب بيخبط ودخلت واحدة
وهي بتقول
_ صباح الخير يا مدام اجهزلك الفطار
بصت ليها نسمة شوية وبعدين قالت
_ هو ...هو فين ...هو فين الراجل اللي ..
_ راجل مين يا مدام
_ الراجل اللي اتجوزته ..
بصت ليها الخدامة باستغراب وقالت
_ أيوة هو ...هو راح فين
_ راح الشركة يا فندم .
بصت ليها باستغراب وقالت
_ شركة ودي طبعا الستارة اللي بيغطي بيها على أعماله مش كده
_ ايه مش فاهمة .
هزت نسمة راسها وقالت
_ متاخديش في بالك أنا بس كنت ...
فجأة سكتت وقالت
_ انتي قولتي إن هو مش هنا يعني هو مش في البيت
_ أيوة هو مش هنا مشي الشركة من بدري اوي ها اجيب الفطار دلوقتي ! قالت نسمة بخبث كبير
_ لا اصبري شوية وابقي هاتيه...
كملت في سرها وبصوت واطي
_ ده لو لقتيني ....
_____________
كان قاعد في المكتب بتاعه وهو بيخلص الشغل عشان يرجع البيت بسرعة ويطمن على نسمة لأول مرة من شهر تقريبا ينزل الشركة بعد ما كان بيخلص كل الشغل من بعيد ومكانش بيتحرك من جنبها غير وهي نايمة ابتسم اول ما اتخيلها وقال
فجأة دخل عليه فؤاد وهو بيقول
_ سامر فيه اجتماع كمان ساعة في فندق الماسة مع الوفد الألماني ..
هز سامر رأسه وقال
_ تمام يا فؤاد أنا فاكر ابعت بس هاتلي كوباية قهوة عشان مصدع وبعدين نتحرك...
ضحك عليه فؤاد وهو بيقول
_ مصدع من ايه بس انت لسه عملت حاجة ! الظاهر قعدت في البيت كتير خليتك تكبر على قعدة المكتب قوم ...قوم نشرب قهوة في كافيه الفندق قبل وصول الوفد واهو نتكلم شوية عن اللي سړقت من عيونك النوم .
ابتسم سامر وقال من غير ما يحس
_ نسمة
_ أيوة يا عاشق يا ولهان نسمة قوم يلا ..
اتحرك الاتنين برة الشركة بكل هيبة كان فؤاد ماشي ورا سامر باعتباره رئيس الحرس بتاعه واول ما ركب العربية ابتسم وقال
_ أنت اتغيرت اوي يا سامر كنت ماشي وشك
