فتاة احلامي بقلم رحمه نبيل

يا حبيبتي ده انتي وقعتي من طولك ووشك اصفر دي اكيد الزايدة .
_ هو ايه أصله ده يعني مفكرتش اني ممكن اكون عندي انيميا أو ضغطي وطي 
_ لا ازاي هي عملية أنا عارف الصفار ده صفار الزايدة.
حط التليفون على ودنه وهو بيقول 
_ الو ياكتور وليد جهز العمل
لكن نسمة شدت من التليفون بسرعة وهي بتقول بړعب 
_ لا لا يا دكتور وليد أنا زي الفل متعملش حاجة ...
سكتت فجأة أول ما شافت سامر بيقع على السرير من كتر الضحك عليها وهي بصت للتليفون باستغراب لقت أن مفيش اي اتصال .
بصت على سامر وقالت بغيظ 
_ أنت بتضحك عليا 
_ الله ما انتي اللي بدأتي وعملتي نفسك مېتة بعد كتب الكتاب ولا هو حلال ليكي وحرام ليا !
اتنفست نسمة بصوت عالي وقالت 
_ طبيعي ده يحصل حط نفسك مكاني تتجوز شخص متعرفوش ولا تعرف عنه حاجة لا وكمان مچرم وشرير هتعمل ايه 
قرب منها سامر وقال ببسمة 
_ لو قمور زيي هحبه طبعا
بلعت نسمة ريقها وهي بتحاول تهدى وقالت بتوتر وهي شيفاه قريب منها اوي 
_ لو سمحت ابعد شوية مينفعش كده ..
_ هو ايه اللي مينفعش انتي مراتي دلوقتي .
بصت ليه بغيظ

وقالت 
_ لا مش مراتك وعمري ما هكون مرات مچرم زيك أنت سامع .
فتح عيونه وقال بعصبية 
_ انتي كل شوية تقولي مچرم مچرم أنا ز...
وقبل ما يكمل سمع الكل صوت الباب بيخبط وصوت خدامة بتقول 
_ الدكتور يا سامر بيه .
بعد سامر عن نسمة پغضب وبعدين اتنفس بصوت عالي وقال 
_ اتفضل .
دخل دكتور كبير في السن للاوضة وهو بيقول 
_ مساء الخير يا سامر بيه اخبار صحتك ايه فين المړيضة !
بص ليه سامر وقال 
_ أكيد مش انا المړيضة يا دكتور مراتي هي المړيضة .
بص الدكتور حواليه وقال 
_ فين مراتك 
رفع سامر حاجبه وقال 
_ هيكون فين يعني هو فيه غيرها في المكان ! ركز الله يكرمك المدام على السرير يا دكتور .
بص الدكتور للسرير وهو بيرمي الشنطة بتاعته عليه فجات على رجل نسمة اللي صړخت بۏجع وسامر جري عليها وهو بيقول 
_ الله يسامحك هتكسح البنت...
بص ليها وقال 
_ انتي كويسة !
هزت راسها وهي بتفرك رجليها 
_ أيوة بس ...
وقبل ما تكمل كلامها لقت الدكتور بيخرج حقنة من الشنطة وهو بيقول 
_ امسكلي دراعها كده يا سامر باشا عشان أديها الحقنة .
فتحت نسمة عيونها واستخبت پخوف في سامر اللي قال 
_ حقنة ايه يا دكتور أنت كشفت اساسا ! ولا هو أنت بتدي الحقنة قبل أي كلام ولا ايه حكايتك هما جابوك منين دول !
شاور الدكتور بالحقنة وهو بيقول 
_ هيكون عندها ايه يعني ! اكيد شوية برد بسبب الجو أو عندها ضعف بسبب قلة الاكل او ارق بسبب قلة النوم .
_ أو هبل بسبب قلة العقل
بص الدكتور لسامر وقال 
_ ها بتقول حاجة يا دكتور !
_ بقول شكرا يا دكتور مراتي بقت زي الفل وطلع مرض كاذب اتفضل هما هيوصلوك برة ويحاسبوك ..
بص ليه الدكتور باستغراب وقال 
_ يعني مش هتاخد الحقنة !
_ لا تسلم هي زي الفل دلوقتي ...
وفعلا شوية وخرج الدكتور واول ما خرج لف سامر لنسمة وهي بتقول پخوف 
_ جايبين دكتور هيخلص عليا 
ضحك سامر بصوت عالي وقال 
_ بعد الشړ ياقلبي أنا مش عارف جابوه منين ده ولا بيعمل ايه لغاية دلوقتي واللي زيه طلع معاش من عشر سنين .
ابتسمت نسمة وهي بتبص ليه ولسه هتتكلم ل وقالت وهي بتبلع ريقها 
_ أنا آسفة ما اخدتش بالي