اسكريبت إسراء جمال
فيكي هتقدري تتعاملي أول عالم هتقابلي فيه حاجات غريبة هيكون أغلبه ناس بتتخانق مع بعض أو ناس عندها مشاكل مطلوب منك تساعديهم أيوة تساعدي وتنسي إنك رنا بنت حسين الألفي إنتي هنا زيك زيهم ومحدش عارفك يعني جو تعظيم سلام اللي كان زمان تنسيه خالص ولو جربتي تطلعيه محدش هيعرف ينقذك منهم أول ما مهمتك هتخلص في العالم ده هيجي شخص لابس قناع أسود وياخدك يوديكي بوابة العالم التاني!
والقلم ده كل ما هتعملي مهمة صح علامة منه هتنور أول ما كل العلامات تنور هتقدري ترجعي هنا.
يا الله ليه كده يا بابا
ليه تحطني في الاختبار الصعب ده قعدت أعيط وفي وسط مانا بعيط جت بنوتة قعدت جانبي
_إيه ده..بټعيطي ليه بالشكل ده مين مزعل القمر ده كده!
قلت باندفاع وسط الدموع من غير ما أفكر
_باباكي ويكسرك يابنتي الكلمة كبيرة أوي أنا بتمنى أشوف ظل ابويا بس تاني.
انتي مش عارفة حاجة للأسف مش هقدر أحكي.. مش عارفة ينفع أحكي أصلا ولالا!
_خلاص مش لازم تحكي بس إهدي كده.
مهتمتش لوجودها أوي كنت غرقانة في قلقي وخۏفي وأفكاري وفقت من أفكاري على صوتها الرقيق.
_طب إيه رأيك تيجي معايا نشرب عصير قصب سوا وتروقي كده حبه
مشيت معاها لإن كنت مضطرة أدي نفسي الفرصة للتعرف على أى حد علشان مش عارفة هعمل إيه هنا.
حاسة إن بوجودي هنا بتخلى عني وبلبس ثوب شخصية جديدة فيها إيه لما أجرب مش هخسر حاجة!
تصدقي أنا عمري ما شربت عصير قصب.
للحظة إفتكرت إن كل فلوسي خلصت في آخر شوبينج ومش معايا غير فيزا!
_ أنا مش معايا غير فيزا عنده دفع بالفيزا
_سيد عنده دفع بالفيزا ده انتي شكلك نزلتي الاعدادية مش طبقة اجتماعية.
يعني إيه
_لا يا حبيبتي مفيش حاجة كده كده أنا عزماكي عالقصب ده.
مكنتش موافقة أشرب حاجة مش دافعة فلوسها بس كانت مصرة ف اضطريت أوافق بعد ما شربنا القصب اللي طلع طعمه جميل وكنت ظلماه بعدم تجربتي ليه زى ما فيه حاجات كتير في حياتنا بنخاف نجربها وبعد ما نجربها بتطلع مظلومة حتى العصير من حقه ياخد فرصة ف ما بالك الإنسان!
رنا وإنتي
_إسمك جميل أوي يا رنا أنا إسمي ريم.
قعدنا نتكلم كتير ولحد هنا أنا مش فاهمة المفروض أعمل إيه ودوري هيبتدي فين!
أنا هسيبك بقى يا رنوش هروح بقى علشان ألحق أصل العصر.
مشيت وأنا لسه في مكاني مكنتش عارفة الخطوة الجاية فين...
فجأة لمحت من بعيد بنتين بيتخانقوا إفتكرت كلام بابا في الورق وعرفت إن دي أول مهمة ليا....!
_إنتي عاوزة تقطعي علاقتك بأختك
اللي زى دي إجتنابها أحسن مش عاوزة أعرفها تاني خالص.
_إنتي ممكن تقطعي علاقتك بأى حد بس أهلك من دمك مهما تتخانقوا هتتصالحو وتتصافوا بعدين مهما تزعلوا مع بعض هتصحو تحضنوا بعض عادي جدا دي العلاقة الوحيدة اللي متقبلش خسارة وانتو عاوزين تخسروا بعض
ده لو الأهل سويين نفسيا مش زيها.
_مش قصدي تدخل أبدا بس ممكن أفهم إيه وصلكم لكده
دي واحدة دلوعة بابي ومامي وكل طلباتها مجابة أما أنا محدش بيحبني بيهتموا بيها ويحبوها ويحتووها
