اسكريبت إسراء جمال
أنا مبيهتموش بيا ربع الاهتمام ده مش شايفة غير زعيق وبس.
قبل ما تكمل كلامها أختها ردت عليها باندفاع ودموع غير طبيعية!
_طيب وأنا ذنبي إيه قليلي ليه تعامليني المعاملة القاسېة دي أنا عملت إيه!
هما حبوني ليه أدفع تمن حاجة مش بتاعتي هما مقرأوش عن التربية وعن اللي هيفرق في نفسية عيالهم ليه أتحرم من وجود أخت طول السنين دي كلها كل الناس بتحسدني عن نعمة وجود أخت بنت في حياتي وأختي موجودة زى الفازة اللي في البيت إسم وبس ليه تهمشيني وتعامليني المعاملة دي أنا إتحرمت من وجود أختي وهي عايشة أختي اللي كنت بتمنى نحكي مع بعض ونرغي وننبسط سوا كان نفسي أسراري تبقى معاكي إنتي خدتيني بذنبهم ليه أنا ذنبي إيه
قبل ما أختها ترد عليها قررت أنا أرد!
_ممكن تسمعوني
تعرفوا أنا معنديش أخت بنت أنا كل يوم بعيط خدت الدلع والحنية والفلوس وكل ما تتخيلوه بس كل ده مقدرش يعوضني عن وجود أخت إنتي شايفة إنك علشان إتحرمتي من الحنية الزيادة زيها كده قادرة تستغني عن أختك مقابلها
_يمكن لو كنتي بتحكي عن صاحبتك كنت قلتلك إقطعي معاها بس دي أختك يعني قلبك قابل للسماح ليها وقادر يمحي كل الذكريات دي ويحولها لذكريات أحسن وأجمل.
معتقدش ينفع مش عارفة هقدر ولالا!
_وليه نحط نفسنا في زون السؤال ده أصلا!
الاتنين سكتوا يمكن كانوا عارفين كل الكلام ده بس مكنش عندهم الجرأة يطبقوه أو حد ياخد الخطوة الأولي علاقات كتيرة زيهم بس محتاجين حد يزقهم هيروحوا في مكان تاني خالص.
_إوعدوني إنكم تحاولوا عاوزة أقولكم إن فاقد الشئ يعطيه وبشدة أنا أه معنديش أخت بس أقدر أديكم نصايح تحافظوا على بعض الأخت نعمة متتعوضش وإفتكروا إن فيه كتير زيي محتاجين نعمة زى اللي إنتوا عاوزين تخسروها بسهولة دي!
_فيه أوقات حد بيظهر في حياتنا بيكون ضيف خفيف بنشوفه مرة وبيختفي بس أثره بيفضل موجود طول العمر أتمنى أكون أنا الضيف ده!
سمعت صوت تكة غريبة بصيت لقيت القلم نور لون بيبي بلو لوني المفضل!
وبكده عرفت إن أول مهمة ليا تمت بنجاح!
حسيت إن مبسوطة إحساس إن الإنسان يكون ذا أثر ده جميل جدا.
لقيت المرة دي بنت لوحدها حسيت إنه هي دي اللي مهمتي التانية هتكون معاها.
كان صعب جدا على شخص زيي عنده رهاب إجتماعي يقرب من حد ويبدء
