فتاة احلامي بقلم رحمه نبيل

البنت دي عملت ليك عمل 
بص ليه سامر شوية وبعدين اڼفجر في الضحك بصوت عالي وقال بعدين 
_ يا ريت تكون عاملة ليا عمل أنا راضي تعمل فيا اللي تحبه .
هنا ومقدرس فؤاد يسكت اكتر وقال 
_ فيه ايه يا سامر متخوفنيش عليك مين دي وتعرفها منين وليه بتتكلم بالشكل الهيمان ده عليها أنا كده هبدأ اخاڤ ..
سكت سامر فترة طويلة وبعدين اتنفس بصوت عالي ومسح وشه وقال 
_ هي نفسها يا فؤاد هي اللي بقالي سنين بدور عليها في كل البنات مصدقتش نفسي لما لقيتها والاسوء اني كنت هخلص عليها بايدي لولا أني شوفتها قبل ما اعمل كده .
_ هي نفسها مين يا سامر أنا مش فاهم حاجة منك .
بص ليه سامر وقال ببسمة 
_ ملاكي يا فؤاد هي نفسها الملاك اللي بشوفه في احلامي من سنين البنت اللي بقالي سنين طويلة بحلم بيها اخيرا لقيتها .
فتح فؤاد عيونه پصدمة 
_ البنت اللي في احلامك هي حقيقة 
_ أيوة قولتلك أن هيجي يوم والاقيها واديني فعلا لقيتها ومش ناوي اسيبها ابدا لو

ايه حصل وكمان كان ساعة هتكون مراتي رسمي ....
_________________
كانت قاعدة وهي مش مصدقة نفسها شايفة قدامها ناس كتير ومأذون بيتكلم وخلاها تمضي على عقد الجواز وفجأة سمعت صوت المأذون بيقول 
_ بارك الله لكما وبارك عليكما وجمع بينكما في خير....
ومن بعد الكلمات دي حست نسمة أنها مش واعية وأن كل ده حلم وهي هتفوق منه .
قامت من مكانها وبصت حواليها على الكل وشافت المچرم اللي المفروض بقى جوزها بيبتسم ليها وقرب منها وهو بيقول 
_ مبارك يا عمري ...
كان بيتكلم پخوف وبعدين بص لكل اللي حواليه وقال بزعيق وڠضب 
_ اتحركوا يا اغبية وحد يشوف دكتور اتحركوا ...
اټصدم اللي حواليه وبدأوا يجروا في كل مكان عشان ينفذوا أوامر سامر وهو شال نسمة وجري بيها على فوق بسرعة وضمھا ليه پخوف وهو بيقول 
_ حصل ايه يا نسمة مالك !!
سابها على السرير بتاعه واتحرك برة الاوضة وهو بيزعق بغيظ 
_ الدكتور فين 
في اللحظة دي فتحت نسمة عيونها براحة وبصت ناحية باب الاوضة وقالت براحة وبسمة 
_ الحمدلله فلت منه انهاردة .
ابتسمت بسعادة أنها قدرت تضحك عليه لكن فجأة سمعت صوت اقدام بيقرب من الاوضة غمضت عيونها بسرعة وسمعت صوت الباب بيتقفل واقدام بتقرب منها ...
وقف سامر جنب السرير وقعد على طرفه وهو بيقول بحب وخوف 
_ هتكوني كويسة ياقلبي هتكوني بخير ....
لكن نسمة كانت عاملة نفسها مغمى عليها وساكتة وهو ابتسم ومال بجسمه وقال 
_ معلش يا حبيبتي استحملي الدكتور زمانه جاي عشان يشوفك متقلقيش لو هدفع كل ما املك واعملك أي عملية في اكبر المستشفيات هعمل كده ...
سكت وهو شايف جسم نسمة بدأ يترعش فابتسم بخبث وقال 
_ وشك اصفر تلاقيها المرارة أو الزايدة أنا مش هتسنى الدكتور يجي أنا هكلمهم يجهزوا العمليات بسرعة وندخلك .
وفعلا خرج سامر التليفون بتاعه وحطه على ودنه وقال بهدوء كأنه بيكلم حد 
_ الو ....أيوة أنا سامر المصري عايزك تجهزلي اكبر اوضة عمليات في المستشفى واكبر دكاترة الجراحة في مصر وكمان دكاترة التخدير وعايز طقم ممرضين كامل...هعمل عملية لمراتي هي عندها الزايدة أو المرارة معرفش ابقوا افتحوا أنتم وشوفوا براحتكم و...
سكت فجأة أول ما لقى جسم نسمة بيتنفض وبتشد منه التليفون وبتقول بړعب 
_ هو ايه اللي يفتحوا ويشوفوا أنت بتتكلم على بطيخة أنا كويسة والله كويسة .
ابتسم ليها سامر وقال بخبث وهو بيشد منها التليفون 
_ كويسة ازاي بس