نوڤيلا لست أمي بقلمي أمل مصطفي البارت الثالث والرابع

صدقه أو شفقه مش أكثر واللي يشتريه المال يداس عليه و يتهان
واللي الكرامه والعزه ثروته يفضل طول عمره تاج لعزوته.
لو هو كان عاملني على أن بنت خالته أو أهمه مش مجرد سلعه بيشتريها كنت وافقت وحاولت أصلحه وكنت أقدر
أغير فيه كثير لكن يعاملني على أن سلعه رخيصه يشتريها بفلوسه يبقى ما لوش لأزمه عندي ولو حط دماغه مطرح رجليه عمره ما يقدر يكسرني كرامتي وعزه نفسي فوق كل شيء
عرفت أنا هربت ليه
كان يتأملها بإعجاب شديد لتفكيرها. و إعتزازها
بنفسها
أيه رأيك لما تعيشي معايا هنا وأعطيك اللي أنت عايزاه
وقفت ياسمين پغضب نعم نعم يا عنيا أعيش معك فين و تعطيني أيه هو أنت ما فهمتش حاجه من كلامي ولا
عشان إتكلمت معاك تستغل ظروفي لا ما يغركش أن أنا لوحدي أنا بنت بمئه راجل ولو ألف غيرك ما يقدروا يمسوا مني شعره
عامر پحده باااااااس أيه ده لسانك بينقط مازوت أعطيني فرصه أفهمك 
لا تفهمني ولا أفهمك كفايه اللي أنت قلته زي ما دخلنا بالمعروف نخرج بالمعروف أنا هاطلع أغير هدومي و أمشي.
عامر بمرح معروف أيه ونخرج أيه هو أنت كنتي على ذمتي ما تهدي يا بنتي شويه
نفخت وهي تجلس هدينا قول اللي عندك يلا عشان أمشي
أنا قلت أيه غلط لكل ده أنت سبتي بيتك وشغلك و هربتي فأنا بعرض عليك وظيفه ومكان تباتي فيه أيه الغلط في ده وبعدين بصي لنفسك كده في المرايا ده أنت راجل ناقص لك شنب وتبقي سيد الرجال
تحدثة بكبرياء أنثي على فكره أنت الوحيد اللي بتقول عليا كده
طيب أيه رأيك في كلامي
يعني عايزني خدامه هكذا تحدثة ياسمين 
رد عامر برفض لا طبعا أم حسن بتيجيء كل أسبوع تنظف المكان وبتعمل أكل في الثلاجه أنا كان قصدي ونس بس يعني تأخذي بحسي أنا وريكس بدل ما إحنا قاعدين طول الأسبوع لوحدنا كده وما حدش فينا يضايقك يعني زي البيبي سيتر 
مش عايز رد دلوقت تقدري تطلعي تنامي و الصبح قرري براحتك تصبحي على خير.
ياسمين تلاقي الخير
تحرك بكرسيه وريكس خلفه ثم إلتفت لها كل أوضه فيها مفتاح من بره تقدري تقفلي على نفسك
تحرك وهي ظلت تنظر له حتى أغلق الباب خلفه
توجهت إلى المطبخ وضعت الصينيه وقامت بغسل ما عليها صعدت إلى الغرفه خلعت عبائتها وأرتدت غيرها جلست على السرير تفكر في عرضه فهو عرض مغري
هنا لن يستطيع يحيى الوصول إليها وقد شعرت بالأمان هنا أكثر من منزلها و تستطيع أن تقوم بكل أعمال المنزل مقابل أكلها ونومها حتى تتوصل لحل
أما هو ظل مستيقظ يعاتب نفسه على تهوره معها ولكنه لا يعرف لما فعل ذلك لقد رفض تواجد أم حسن عنده طوال الأسبوع رغم إمكان ذلك وأختار وحدته لماذا الآن وافق على وجود أحد معه ولما هي بالذات شعر براحه تواجدها معه كان يستطيع مساعدتها من بعيد وتوفير المكان والعمل لها دون تعب ولكن جذبه لها روحها المرحه بسطتها في الكلام إبتسم بس شكلها مجنونه و هتتعبك
في الصباح فتحت الباب توقظ إبنتها إستعداد لكتب الكتاب ولكنها لم تجدها ولم تجد ملابسها أطلقت صرخه قويه في المنزل وظلت تبحث عنها في كل مكان لم تجد لها أثر قامت بالأتصال على يحيى وهي تبكي يحيى عملتها وهربت ياسمين هربت ونفذت اللي في دماغهم إنفضحنا في وسط الناس
وصل يحيي في وقت قصير وهو يتحدث پعنف يعني أيه هربت وتكون راحت فين 
مش أنتي كنت قافله باب الأوضه هتخرج منين مش معقول تنزل من الدور الثالث
روايدا لا تعملها بنتي مجنونه ومستابيعه 
تعمل كل حاجه ولا أن حد يغصبها 
يحيي بضيق من خالته طب لما أنتي عارفه كده ضغطي عليها ليه قولتلك ناخدها بالهداوه
بس أنتي كنتي مستعجله عشان نفسك 
روايدا يعني أنا في الأخر طلعت غلطانه 
تركها بضيق أنا هتصرف وألاقيها سلام 
بقلم _أمل _مصطفي
البارت الرابع 
نزلت السلم في الصباح تتوجه لغرفته 
تطرق الباب وهي تتحدث يا أستاذ يا باشا يا باشمهندس الساعه بقت 11 مش هتصحى كفايه نوم لحد كده
حتى الكلب نايم لحد الوقت الكلاب بتصحي من الفجر يا أستاذ يا اللي جوه ماترد عليا
فتح عيونه بإنزعاج من الطرق والصوت العالي خارج غرفته