ارملة اخويا بقلم ريناد يوسف
منها اللي يكفي بيوتنا وزيادة كمان..
بصيتلها بلوم وعيون ماليها الڠضب وسألتها وأنا بحاول اكتم ڠضبي
كنتي فين ياسعاد وبتعملي أيه وأيه سبب غيابك المستمر عن بيتك وأولادك
لقيتها ردت عليا ببرود
كنت مكان ماكنت ياعاصم دا شيئ ميخصكش ولا ليك اي حق فأنك تسألني سؤال زي دا.
رديت عليها بنفس الڠضب وقولتلها
غلطانه ياسعاد.. انا عم اولادك اللي هتوصميهم بالعاړ بعمايلك دي.. واخو جوزك اللي هتخلي سمعته في الوحل من بعد مامات.. انتي پتخوني ذكري الانسان اللي مشوفتيش منه غير كل خير.. وابدا ميستهلش منك إنك تغلطى الغلط دا في حقه وحق أولاده.
ڠصب عني ياعاصم صدقني.. إنت مش فاهم حاجه.. انا لايمكن اسيئ لجوزي او لاولادي ابدا.. كل الحكايه إن فيه أمور خارجه عن إرادتنا ومبنقدرش نتحكم فيها..
انا تقريبا فهمت هي تقصد أيه.. وبعد ثواني تفكير حسمت الأمر ولقيت الحل اللي هيريح كل الاطراف.. وخاطرت باستقرار حياتي كله وانا بقولها
لكني هحط فحسباني انك لسه شباب وصغيره ومش هتقدري تفضلي من غير جواز أو راجل فحياتك.. وبناء عليه أنا قررت أتجوزك.
انا قلت كلامي دا ولقيتها انتفضت وبصتلي بعيون مبرقه من الصدمه فكملت كلامي
وكمان عشان أنا مش هعمل حاجه في السر أو في الخفا ولازم جوازنا يكون رسمي.. ماهو انا مش هعالج غلط بغلط.
إيه اللي انت بتقوله دا ياعاصم
جواز أيه وجواز مين من مين أنا أتجوزك إنت إنت سامع نفسك بتقول أيه
إتعصبت عليها من ردها المستفذ عليا وقولتلها
انا مش شايف حاجه في اللي قولته تستدعي إستغرابك ولا ضحكة السخريه اللي ضحكتيها من شويه دي. دأنا بعرض عليكي الستر والمفروض تكوني ممنونه لعرضي دا وتقدريه وخصوصا إني هتجوزك برغم كل اللي سمعته وبسمعه عنك وبرغم اللي بتعمليه!
أنا جواز منك مش هتجوز ياعاصم.. وأنسي الموضوع دا نهائي.. قالت كلامها وهي بتتوجه علي أوضتها وبمجرد ماخلصت كلامها بصت لجني وهي علي باب الأوضه وقالتلها بنبره آمره
جني اعمليلي حاجه اكلها وهاتيهالي علي الأوضه وبعدها اعمليلي فنجان قهوة مظبوط..
أنا هتغدي وانام شويه
